Ministri e Shëndetësisë e Shqipërisë konfirmon se janë 12 raste të reja të të infektuarve me koronavirus, ndërsa numri total është 186 persona të infektuar.

“Në 24 orët e fundit janë testuar 102 persona të dyshuar, prej të cilëve janë konfirmuar 12 raste të reja me COVID 19. Deri në këto momente janë testuar 1 246 raste të dyshuara dhe prej tyre janë të konfirmuar pozitivë me COVID-19 186 raste”, ka thënë zëdhënësja e Ministrisë së Shëndetësisë dhe ka bërë me dije se 77 pacientë ndodhen në spitalin infektiv, 5 janë në terapi intensive.

Shpërndarja gjeografike e rasteve pozitive, sot, 27 mars 2020:

– Tiranë           107 raste

– Durrës           11 raste

– Lushnje         4 raste

– Elbasan         5 raste

– Rrogozhinë   2 raste

– Fier               20 raste

– Kavajë          4 raste

– Korçë            12 raste

– Vlorë            5 raste

– Shkodër        4 raste

– Lezhë            4 rast

– Berat             1 rast

– Has               2 raste

– Krujë            1 rast

-Tropojë          2 raste

– Pukë               2 raste.