Sipas të dhënave të qeverisë japoneze të publikuara të martën, lindjet në vend ranë nën 800 mijë për herë të parë që nga viti 1899.

Numri i përgjithshëm i lindjeve ishte vetëm 799 mijw e 728, duke rënë në një nivel të ulët rekord për të shtatin vit radhazi. Numri i vdekjeve u rrit në 1.58 milionë, tha Ministria e Shëndetësisë e Japonisë.

“Ne e pranojmë se rënia e nivelit të lindjeve është një situatë kritike”, tha Yoshihiko Isozaki, një zëvendëssekretar i kabinetit, në një konferencë. “Kuptimi im është se faktorë të ndryshëm janë të ndërlidhur në mënyrë të ndërlikuar, duke i penguar individët të realizojnë shpresat e tyre për martesën, lindjen e fëmijëve dhe rritjen e tyre”.

Japonia ka vite që po përballet me një rënie të nivelit të lindjeve, megjithatë, problemi është përshpejtuar nga vlerësimet e mëparshme. Një parashikim i qeverisë 2017 parashikoi që lindjet nuk do të bien nën 800 mijë deri në vitin 2023.

“Rënia e lindjeve në vitin 2022 ka të ngjarë të jetë ndikuar nga rënia e martesave në vitin 2020 për shkak të ardhjes së pandemisë, duke pasur parasysh se si, në shumë raste, fëmija i parë lind dy vjet pas martesës”, Takumi Fujinami, një studiues i lartë në Institutin e Kërkimeve të Japonisë, tha për Kyodo News.

Qeveria e kryeministrit Fumio Kishida ka akorduar 35.2 miliardë dollarë për një agjenci të re kushtuar fëmijëve dhe familjeve të tyre.

Megjithatë, numri i martesave u rrit për herë të parë në tre vjet, pasi më parë kishte rënë në nivelet më të ulëta që nga Lufta e Dytë Botërore.