Qeveria e Tajvanit i ka lëshuar sirenat në gjithë ishullin të martën, duke thënë se një satelit kinez ka fluturuar mbi hapësirën e saj ajrore në jug.

Ministri i Jashtëm i Tajvanit, Joseph Wu, e ka përshkruar veprimin e Kinës si pjesë të “ditëve të ngacmimit” para zgjedhjeve të rëndësishme presidenciale dhe parlamentare.

Alarmi i sigurisë u është dërguar qytetarëve në telefonat e tyre mobil nga Ministria e Mbrojtjes e Tajvanit mëngjesin e së martës, rreth kohës së njëjtë kur mediet shtetërore kineze konfirmuar lëshimin e një sateliti shkencor.

Ministria e ka përshkruar satelitin si “satelit” në gjuhën kineze, por si “raketë” në gjuhën angleze. Më vonë, ajo ia la fajin “neglizhencës” për gabimin në përshkrimin e satelitit si raketë.

Tajvani mban zgjedhje presidenciale dhe parlamentare të shtunën.

Kina pretendon se Tajvani është pjesë e territorit të saj dhe i ka përshkruar zgjedhjet si zgjidhje mes paqes dhe luftës në Ngushticën e Tajvanit.

Qeveria e Tajvanit i kundërshton pretendimet e Kinës për territor.

Kina nuk ka njoftuar për lëshimin e satelitit. Ajo i bëri dy lëshime satelitore në dy ditë radhazi në fillim të dhjetorit. Asnjëra prej tyre nuk kishte fluturuar mbi Tajvan, e as nuk kishte nxitur lëshimin e sirenave.

Mediet shtetërore kineze e kanë përshkruar lëshimin e satelitit të martën si testim “të energjisë së lartë të astrofizikës dhe astronomisë”.

Joseph Wu, i cili po mbante konferencë për medie me gazetarë të huaj kur kanë rënë sirenat, e ka përshkruar lëshimin e satelitit kinez si ngacmim ndaj Tajvanit.

“Të gjitha këto lloje taktikash janë të klasifikuara si aktivitete të rrezikshme shtetërore, dhe vazhdojnë t’ua kujtojnë njerëzve në Tajvan se ka rrezik për luftë mes Tajvanit dhe Kinës”.

“Me këto lloj kërcënimesh kundër Tajvanit, mendoj se ne duhet të jemi syhapur, ne nuk duhet të provokohemi”, ka thënë ai, raporton “Rel”.

Presidenti i Tajvanit, Tsai Ing-wen, i cili ishte duke bërë fushatë në qytetin jugor të vendit, Kaohsiung, e ka shikuar telefonin mobil dhe tha “ky është satelit, jo raketë – mos u brengosni”, raporton agjencia e lajmeve e Tajvanit.

Por, partia më e madhe opozitare e Tajvanit, Koumintang, e ka kritikuar lëshimin e sirenave, duke thënë se e kanë mashtruar popullin.