Bashkësia Islame e Kosovës (BIK) ka lëshuar një vërejtje për të gjithë imamët dhe punonjësit e saj, lidhur me qëndrimet e tyre politike në periudhën e fushatës elektorale të zgjedhjeve parlamentare që do të mbahen më 9 shkurt.

Kjo është nga sekretari i BIK-ut, Ahmet Sadriu.

“Është një vendim i kahmotshëm. Tani është rikonfirmim, tërheqje e vërejtje”, tha Sadriu për “KlanKosova”.

Bashkësia Islame, ua tërheq vërejtjen e nëpunësve administrativë dhe fetarë që të shtojnë kujdesin karshi paraqitjeve mediale, si dhe qëndrimeve në rrjete sociale.

BIK-u ndalon qëndrimin personal politik, pjesëmarrjen në fushatë zgjedhore, të qenit aktivist i ndonjë partie politike apo edhe kandidat për deputet.

Klankosova.tv e ka siguruar vendimin e lëshuar nga ky institucion.

“Çdo veprim i tillë nga sa u përmend më lart, konsiderohet shkelje e Kushtetutës së BIK-ut, ligjeve dhe akteve tjera normative të saj, për çfarë edhe do sanksionohen”, është thënë ndër të tjera në vendim.

Derisa të mërkurën tre zyrtarë policor, ishin suspenduar nga detyra.