Jurgen Kloppi në intervistat e dhëna së fundmi ka mohuar kategorikisht një largim të parakohshëm nga stoli i “The Reds”, duke nënvizuar se do ta respektojë kontratën aktuale e cila i skadon në verën e vitit 2024.

Megjithatë, gazeta prestigjioze gjermane “Bild” vazhdon të këmbëngulë se Jurgen Kloppi do të jetë trajneri i ri i Gjermanisë pas përfundimit të Botërorit Katar 2022, duke zëvendësuar në këtë post Joachim Lown.

Kloppi është pjesë e Liverpoolit që prej vitit 2015 dhe në këto pesë vjet e gjysmë me të kuqtë ka arritur ta rikthejë skuadrën te titulli kampion në Premierë Ligë pas 30 vjetësh dhe ka fituar edhe një Ligë të Kampionëve.