Ish-zëvendëskryeministrja e Kosovës, Edita Tahiri, ka reaguar ashpër ndaj bisedës së Mimoza Kusari-Lilës me Milan Radoiçiqin.

Ajo ka thënë se audio-incizimi, i cili është publikuar dje, është njollë turpi kombëtare.

Tahiri ka shkruar në “Facebook” se këtë turp nuk mund ta lajë askush.

“Gjakova është e njohur që kurrë nuk është folur serbisht – këtë çështje e demantoi një politikane gjakovare – aq më keq në bisedë me kryeterroristin e Bansjkës – as Kurti as komesarja politike e importuar e as krejt LV-ja me u çuar në këmbë s’mund ta pastrojnë këtë njollë kombëtare…”, ka shkruar Tahiri.