Bisedat e Dejonës me Nagipin, Haliti: E papranueshme, shuplakë për qytetarët
16 tetor 2024
| 12:37
Xhavit Haliti, deputet i PDK-së, ka komentuar bisedat ndërmjet Dejona Mihalit, koordinatore e komiteteve të Lëvizjes Vetëvendosje dhe Nagip Krasniqit, ish-kryeshef i KEK-ut, të cilat i publikoi “Nacionale”.
Haliti e ka quajtur të papranueshme që një individ pa përgjegjësi insituticonale të “ketë fuqinë për të vendosur për çështje jetike të vendit”.
Më tutje, Haliti ka konsideruar se “po luhet me qytetarët e këtij vendit!”.
“Është e papranueshme që një individ pa përgjegjësi institucionale apo një grup i vogël të ketë fuqinë për të vendosur për çështje jetike të vendit, përfshirë se kur duhet apo s’duhet të ndalet rryma”, ka shkruar Haliti në “Facebook”.