Zëvendëskryeministri i Kosovës, Besnik Bislimi dhe drejtori i të ashtuquajturës zyrë për Kosovën në Qeverinë e Serbisë, Petar Petkoviq do të takohen të mërkurën për raundin tjetër të bisedimeve.

Zëdhënësi i Bashkimit Evropian (BE), Peter Stano, ka deklaruar të hënën se negociatorët kryesorë në kuadër të dialogut midis Kosovës dhe Serbisë më 7 dhe 8 shtator do të jenë në Bruksel.

Ai ka thënë se të ashtuquajturat bisedime teknike do t’i kushtohen “çështjeve të hapura aktualisht dhe hapave të ardhshëm në dialog”.

Të martën, të dy delegacionet kanë planifikuar të zhvillojnë bisedime dypalëshe me ndërmjetësin Miroslav Lajçak dhe përfaqësues tjerë të BE-së.

Ditën e dytë, të mërkurën, është planifikuar një takim trepalësh i Kosovës, Serbisë dhe ndërmjetësve të BE-së.