Nënkryetari i Lëvizjes Vetëvendosje Besnik Bislimi, ka reaguar ndaj raportimeve të mediave për arritjen e koalicionit me Lidhjen Demokratike të Kosovës (LDK).

Ai përmes një postimi në llogarinë e vet në “Facebook”, ka thënë se sonte, shumë më shumë se netëve më parë, analistë nëpër studio televizive, portale e pseudoportale kanë vërshuar qytetarët me informata të pasakta e me hamendësime, gjithnjë duke u “thirrë” në “burime të brendshme”.

“Dëshiroj të qetësoj të gjithë Ju dhe demantoj të gjithë ‘këta’: Gjithë këto spekulime e hamendësime  dhe këto gjoja ‘burime’ janë shumë larg së vërtetës dhe qëllimmirës. Ashtu edhe si e kemi cekur në informatën nga Lëvizja Vetëvendosje!: Bisedimet kanë rifilluar intenzivisht, takimet po i mbajmë në baza ditore si dhe ka lëvizje dhe hapa përafrues (por asesi të përafërt me ato që po qarkullojnë gjithandej)”, ka shkruar Bislimi.