Partia Demokratike e Kosovës (PDK), ka propozuar Arbiana Xhemajlin si kandidate për deputete nga dega e Vitisë për zgjedhjet e ardhshme parlamentare.

Arbiana Xhemajli, si biznesmene e suksesshme dhe profesioniste me përvojë të spikatur në shëndetësi, ka shpallur kandidaturën e saj për deputete, e cila pritet të garojë në zgjedhjet pralamentare të 9 shkurtit të vitit të ardhshëm.

Xhemajli mbart një bagazh të pasur profesional, që përfshin mbi një dekadë përvojë në Institutucionet Publike të Kosovës. E kualifikuar me nivelin master në menaxhment shëndetësor dhe farmaci, ajo ka dhënë një kontribut të madh në përmirësimin e shërbimeve shëndetësore në vend. Përveç përkushtimit të saj profesional, Arbiana ka qenë edhe një modele e suksesit në botën e biznesit, duke menaxhuar me sukses iniciativa që kanë ndikuar pozitivisht në zhvillimin dhe avancimin e shërbimeve shëndetësore private dhe publike.

Arbiana ka qenë pjesë e PDK-së edhe në të kaluarën dhe përfaqëson vlerat dhe vizionet e këtij subjekti politik që synon të qeveris Kosovën në 4 vitet e ardhshme.

Emri i saj është propozuar si kandidate për deputete nga dega e PDK-së në Viti dhe pritet të miratohet nga strukturat qendrore në Prishtinë. Zgjedhjet parlamentare në Kosovë do të mbahen më 9 shkurt të vitit 2025.