Bleranda Musa, një nga talentet më të spikatura nga Vushtrria në fushën e marketingut dixhital, ka shënuar një tjetër sukses të madh duke u certifikuar nga Meta, kompania që menaxhon platformat globale si Facebook, Instagram, WhatsApp dhe Messenger.

Në periudhën janar-nëntor të këtij viti, Musa ka përfunduar me sukses gjashtë programe të avancuara të Meta-s, duke përfshirë:
• Strategji efektive për marketingun online,
• Menaxhimin e fushatave dixhitale,
• Branding dhe strategji kreative për rritje,
• Reklamimin e avancuar në platformat Meta, si dhe
• Analizën e të dhënave dhe performancës së fushatave.

Këto certifikime e pozicionojnë atë në majat e ekspertizës së marketingut dixhital, duke e bërë një nga profesionistet më të afta për të ndihmuar bizneset shqiptare dhe ndërkombëtare të arrijnë rezultate të dukshme në rrjetet sociale.

Përvoja dhe Arritjet e Blerandës

Me mbi 4 vite përvojë në marketingun dixhital dhe një portofol që përfshin ndihmën ndaj më shumë se 500 bizneseve, Musa ka ndryshuar mënyrën se si operojnë bizneset në platformat si Instagram dhe Facebook. Ajo njihet për:
• Kthimin e ndjekësve në klientë përmes strategjive të personalizuara,
• Rikuperimin e llogarive të hakuara, dhe
• Zgjidhjen e problemeve me reklamat e bllokuara, përfshirë llogaritë “Disabled” apo “Restricted.”

Në një deklarin të saj, Musa u shpreh tejet e lumtur për këtë arritje të rëndësishme në karrierën e saj:
“Jam jashtëzakonisht e lumtur për këtë arritje. Ky certifikim nga Meta është një njohje e rëndësishme e punës sime dhe një motivim për të vazhduar të ndihmoj bizneset të arrijnë sukses përmes fuqisë së marketingut dixhital. Ishte një sfidë e madhe, por me përkushtim dhe disiplinë arrita ta përfundoj me sukses. Suksesi nuk vjen rastësisht, por është rezultat i përpjekjeve të vazhdueshme dhe besimit në vetvete,” tha ajo.

Bleranda Musa mbetet një model frymëzimi për të gjithë të rinjtë shqiptarë, duke dëshmuar se suksesi është i arritshëm kur kombinoni pasionin, përkushtimin dhe disiplinën. Ky sukses i saj nga Vushtrria tregon potencialin që individët nga rajoni mund të arrijnë në nivel ndërkombëtar.