Ministri i Aleancës për Ardhmërinë e Kosovës, Blerim Kuçi ka dhënë dorëheqje nga pozita e ministrit të Ekonomisë dhe Ambientit.

Lajmin për Front Online e ka konfirmuar vet ministri Blerim Kuçi.

Kuqi ka thënë se vet ka kërkuar që të lirohet nga detyra për shkak të angazhimeve në fushatën parazgjedhore.

“Unë vet kam kërkuar të lirohem nga detyra, pasi nuk mundem në një ministri kaq të rëndësishme të kryej detyrat e mia si ministër dhe të angazhohem në fushatë”, ka thënë Kuçi.

Kuçi më tutje ka deklaruar se nuk do të jetë pjesë e listës së AAK-së për deputet, por që do të jetë pjesë e Shtabit Zgjedhor.

“Nuk do të jem kandidat për deputet, por pjesë e Shtabit”, tha ai.