Blerim Reka i propozuari i Kurtit për ministër të Jashtëm të Kosovës
Lideri i Lëvizjes Vetëvendosje, Albin Kurti, ka konfirmuar sot se i propozuari i tij për Ministër të Jashtëm dhe Diasporë të Kosovës është Blerim Reka, profesor i njohur shqiptar i marrëdhënieve ndërkombëtare nga Maqedonia e Veriut.
Reka, ka qenë kandidat për president të Maqedonisë së Veriut në zgjedhjet e fundit të mbajtura në këtë vend.
Gjithashtu, Reka nga qershori i vitit 2006 deri në korrik të vitit 2010 ka qenë ambasador i Maqedonisë në Bruksel.
Profesori Reka ka qenë Dekan në Fakultetin e Administratës Publike në Universitetin e Evropës Juglindore në Maqedoninë e Veriun(SEEU), kurse me pas edhe pro-rektor i këtij universiteti.
Ai ka të botuar dhjetëra libra dhe artikuj që kanë të bëjnë me marrëdhëniet ndërkombëtare dhe integrimin e rajonit në BE.