Deputetja e Partisë Demokratike të Kosovës, Blerta Deliu-Kodra pas përurimit të segmentit të parë të nënkalimit të ri në Ferziaj, i është drejtuar qeverisë kosovare për Urën e Badvocit, e cila as tash e katër vjet s’po gjen epilog.

Deliu i propozoi – tallshëm – që Qeveria e Kosovës t’ia bartë Komunës së Ferizajit atë urë rreth pesëdhjetë metërshe që të kryhet për katër javë.

“Nëse doni me ndreqë, qiteni edhe Urën e Badocit me komunën e Ferizajt. Për 4 javë, e jo 4 vjet, funksionale e keni”, ka shkruar ajo.

Përurimi i segmentit të parë të nënkalimit të ri në qytetin e Ferizajt, ka nxitur reagimet dhe kritikat ndaj qeverisë së prirë nga Albin Kurti për mungesë të investimeve në infrastrukturë.