Në Pallatin e Drejtësisë ka filluar greva e punëtorëve të administratës së gjykatave dhe prokurorive.

Si pasojë e kësaj greve asnjë palë nuk është duke u lënë që të hyjë në gjykatë apo në prokurori.

Punëtorët e prokurorive kanë thënë se nuk e dinë se sa do të zgjasë greva, por që momentalisht u është thënë që të mos lënë asnjë palë që të hyjë brenda për shkak së punëtorët e administratës janë në grevë.

Kërkesa e grevistëve është rritja e pagave për 100 për qind, për rreth 2 mijë punëtorët e administratës dhe rregullimi i statusit të tyre.

Kjo kërkesë e tyre vjen pas marrjes së vendimit të rritjes së pagave për Qeverinë e Kosovës.