Qendërmbrojtësi i Juventusit, Leonardo Bonucci, e ka lavdëruar bashkëlojtarin e tij, Cristiano Ronaldo, duke thënë se ai është futbollisti më i mirë në botë.

“Tani pjesa e vështirë e sezonit fillon nga ndeshjet e fundit të kombëtareve deri në pushimin e dimrit. Ishte e rëndësishme për ne që ta mbajnë distancën prej klubeve të tjera në ligë. Juventusi arriti ta transferojë një lojtar të mrekullueshëm si Cristiano Ronaldon. Ai është futbollisti më i mirë në botë dhe është një profesionist shembullor”, ka deklaruar Bonucci.