Këngëtarja me famë botërore, Taylor Swift, po tregohet jashtëzakonisht bujare, sipas dëshmive të reja që kanë dalë në dritë. Artistja ka shpërndarë gjithsej 55 milionë dollarë bonus për punonjësit e turneut të ‘The Eras’, teksa pritet të përfundojë pjesa e tij në Shtetet e Bashkuara të Amerikës.

33-vjeçarja i pagoi shumë mirë punëtorët në shfaqjen e saj hit, duke përfshirë kërcimtarët rezervë, teknikët e zërit, stafin e hotelierisë dhe shoferët e kamionit.

Burime me njohuri për këtë çështje thanë për “People” se fituesja e Grammy-t pagoi të gjithë të përfshirë në turne.

Koncerti i këngëtares së famshme shkakton një “tërmet” 2.3 ballë

Gjesti bujar i yllit të lindur në Pensilvani vjen teksa ajo do të performojë gjashtë koncerte të shitura në stadiumin SoFi me kapacitet 70,240 në Inglewood, Kaliforni.

Ylli i muzikës u dha rreth 50 shoferëve të kamionit 100,000 dollarë secili, duke shpërndarë certifikata dhuratë përpara shfaqjes së saj në Santa Clara.

Turneu i saj është një nga më fitimprurësit në histori, duke fituar mbi 1 miliard dollarë. Pas takimeve të këngëtares në Los Angeles, shfaqja e saj do të rifillojë më 24 gusht në Mexico City.