Në trekëndëshin e formuar mes moderatores, Bora Zemanit, aktorit Donald Veshaj dhe këngëtares kosovare, Beatrix Ramosaj, tani edhe në ‘Për’puthen” kishte një përballje mes treshes Mikela – Erion – Ritvana.

Mikela është ajo e cila dyshon se mes Ritvanës dhe Erionit ka ndodhur një puthje, ndërsa Ritvana akuzon Erionin dhe Mikelën se mes tyre gjërat kanë avancuar më shumë. E lidhur me këtë situatë ka reaguar edhe Bora e cila e dha një mesazh, duke bërë ndjekësin të mendojnë se po i referohet situatës së saj me Donaldin dhe Beatrixin.

“Loja me dy vajza nuk është asnjëherë gjë e bukur dhe gjithmonë mendoj që djali do të dalë i humbur në fund dhe nuk do të ketë asnjërën”, iu drejtua ajo Erionit.

Kujtojmë se Bora kishte reaguar më parë në rrjetin social “Instagram” për situatën e Donaldit me një mesazh ku i kërkonte të gjithëve të qetësoheshin e të mos gjykonin atë.