Përfaqësuesi për politikë të jashtme të BE-së, Josep Borrell, ka bërë adresimin e tij para takimit në Bruksel të kryeministrit të Kosovës, Avdullah Hoti dhe presidentit të Serbisë, Aleksandër Vuçiq.

Ai ka thënë se sot pret që të ketë diskutime konstruktive në siç është shprehur, elementin e parë të temave.

“Jam shumë i lumtur të ju adresohem pas vetëm katër ditëve pas takimit të parë të lartë të së dielës në dialogun Prishtinë-Beograd. Takimi i së dielës ishte i pari pas 20 muajsh, një kohe të gjatë. Unë jam shumë i lumtur të shoh që BE-ja ka marrë drejtimin e këtij procesi”, është shprehur Borrelli, duke shtuar se nga takimi Hoti-Vuçiq pret diskutime konstruktive.

“Kryeministri i Kosovës dhe presidenti i Serbisë do të takohen sot për herë të parë fizikisht dhe për herën e dytë brenda një jave ku treguan angazhimin për dialogun e lehtësuar nga BE-ja. Për këtë duhet përpjekje e madhe e imja”.

“Sot pres diskutime konstruktive në elementin e parë të temave që do të kontribuojnë në arritjen e marrëveshjes për normalizim të marrëdhënieve. Inkurajoj të dy palët që t’u qasen bisedimeve me frymën e kompromisit dhe pragmatizmit për të ardhmen evropiane të popullit të Kosovës dhe Serbisë”, është shprehur Borelli.