Presidentja e Kosovës, Vjosa Osmani, ka folur mbrëmë lidhur me masat ndëshkuese që Bashkimi Evropian ka vendosur ndaj Kosovës, tash e disa muaj.

Osmani tha se si presidente e vendit është angazhuar për të parandaluar masa më të rrepta të BE-së ndaj vendit.

”Kosova nuk e ka pushtuar askënd që të meritoj masa te tilla ne nivel të BE-së. Si presidente jam angazhuar që të parandalojë masa më të rrepta, partnerët tanë e dinë shumë mirë se për çfarë masash”, tha Osmani.

Osmani tha se Shefi i diplomacisë evropiane Josep Borrell i ka premtuar se do bëjë propozimin për heqjen e masave ndaj Kosovës.

”Në takimin e fundit të BE-se me Ballkanin Perëndimor kam insistuar që të përfshihet një rrugë e qartë se si të hiqen masat dhe me këtë kërkesë është përcaktuar ajo rrugë ku ja kanë dhënë këtë të drejtë Borellit që ai ta bëjë propozimin për heqjen e masave dhe pas propozimit të tij ato te hiqen”, tha Osmani.

Osmani tutje ka shtuar se ”Borrell me ka premtuar që do ta bëjë këtë propozim, në vazhdimisht do të bëjmë preson që ky propozim të vijë shumë shpejt”, ka thënë Osmani në një intervistë për RTV21.

Duke folur për sanksionet, Osmani tha se nganjëherë kokëfortësia është se shëndetshme.

Sipas Osmanit interesat e Kosovës, duhet të mbrohen me kokëfortësi.

“Duhet të zgjidhet edhe momenti i duhur kur një kokëfortësi e tillë përdoret. Duhet të zgjidhen edhe betejat, në rast se ndonjë herë ndokush kërkon që ta zëmë t’i ndryshojmë kufijtë, të ndahet Kosova ose të defunksioanlizohet Kosova, në me kokëfortësi duhet të mbrojmë të drejtën tonë që ta mbajmë Kosovën shtet funksional në kufijtë tonë aktual tonë sovran, Kushtetutën tonë pavarësisht se kush ulet në karrigen tjetër, por në rast se gjërat që kërkohen nga partnerët tanë janë të tilla që nuk i rrezikojnë këto vlera dhe parime unë jam për atë që mos të tentojmë që të bëhemi apo të tregohemi më të fortë se sa që jemi në të vërtetë”, tha Osmani.