Përfaqësuesi i Bashkimit Evropian (BE) për politikë të jashtme dhe siguri, Josep Borrell, ka thënë se e ardhmja e Ballkanit Perëndimor, përfshirë Kosovën dhe Serbinë, është evropiane.

Në llogarinë e vet në “Twitter” ka shkruar se “si BE ne jemi të përkushtuar t’i shoqërojmë ata në çdo hap të rrugës së tyre”.

Por për ta bërë të ardhmen evropiane një realitet për njerëzit e tyre, ka shkruar tutje Borelli, “nuk duhet të ketë shmangie të dialogut të lehtësuar nga BE”.

Kjo deklaratë e Borrelli vjen pasi presidenti i Kosovës, Hashim Thaçi ka thënë se nuk do të marr pjesë në proceset negociuese që udhëhiqen nga përfaqësuesi i posaçëm i Bashkimit Evropian (BE) në dialogun Kosovë-Serbi, Miroslav Lajçak.

The future of the #WesternBalkans, including both Kosovo and Serbia, is European. As EU we are committed to accompany them on every step of their path. But to make the European future a reality for their people, there is no way around the EU-facilitated Dialogue.

— Josep Borrell Fontelles (@JosepBorrellF) May 27, 2020