Michael Jackson kishte më shumë se 500 milionë dollarë borxh kur vdiq në vitin 2009

Michael Jackson kishte më shumë se 500 milionë dollarë borxh kur vdiq në vitin 2009, thuhet në një dosje gjyqësore të cituar nga “NBC News”.

Kjo e fundit shkruan se bllokimi i madh financiar në të cilin u gjend Mbreti i Pop-it, përshkruhet në një peticion të depozituar në Gjykatën e Lartë të Qarkut të Los Angelesit.

“Në kohën e vdekjes së Michael Jackson, pasuria e tij kryesore ishin subjekt i më shumë se 500 milionë dollarë borxh dhe pretendime nga kreditorët, me një pjesë të borxhit të grumbulluar me norma interesi jashtëzakonisht të larta dhe një pjesë të borxhit ishte në mospagim”, thuhet në deklaratë.

Para se të ndërronte jetë më 25 qershor të vitit 2009, Jackson po përgatitej të niste një turne të quajtur “This Is It”. Turneu ishte planifikuar me marrëveshjen e një angazhimi prej 50 koncertesh në disa vende të Londrës. Por ai vdiq pak para turneut, gjë që e la pasurinë e tij të bllokuar.

Tani, paratë nga pasuria e këngëtarit me famë botërore kërkohen të përdoren për të paguar avokatët dhe ata që merren me lëvizjet e nevojshme ligjore, si dhe shpenzime të tjera.

Në të njëjtën kohë, theksohet se Jackson kishte marrë padi në shtete dhe vende të ndryshme deri pak para se të vdiste, për shkak të borxheve.

Kujtojmë se Michael Jackson ndërroi jetë në rezidencën e tij në Los Angeles në moshën 50-vjeçare nga helmimi akut. Mjeku i tij u shpall fajtor për vrasje nga pakujdesia në vitin 2011 për sigurimin e drogës.

Karriera e shkëlqyer e Jackson përfshinte 13 çmime “Grammy”, dy induksione në “Rock ‘n’ Roll Hall of Fame” dhe shitje të mbi 400 milionë disqe.