Bosnja është duke u përballur me fluks të mijëra refugjatëve dhe emigrantëve, pas vendimit të vitit të kaluar për mbyllje të rrugëve, të cilat dërgonin në Evropën Perëndimore përmes Ballkanit.

Rreth 11 mijë persona nga Azia dhe Afrika Veriore janë regjistruar teksa kanë hyrë në Bosnje gjatë këtij viti.

Ky numër tejkalon disa herë shifrën e 755 emigrantëve në gjithë vitin 2017, raporton “Rel”.

Për më shumë, Bosnja pret që të paktën 4 mijë persona të qëndrojnë në territorin e saj, të cilën kanë nevojë për strehim në muajt vijues.

Sipas autoriteteve të Bosnjës, shumica e emigrantëve nga Afganistani, Irani, Siria dhe Pakistani arrijnë përmes Serbisë dhe Greqisë nga Shqipëria dhe Mali i Zi.

Zyrtarët kanë thënë se 60 për qind e personave që kanë arritur veçse janë larguar nga ky shtet, mirëpo vullnetarët dhe personat që ofrojnë ndihmë për emigrantët kanë thënë se rreth 5,000 persona pritet të qëndrojnë në territor të Bosnjës.