Bostoni vijon të komandojë renditjen në Konferencën e Lindjes pas fitores me rezultat 126-107 ndaj Washington.

Brown me 36 pikë e Tatum me 33 pikë, ishin të magjishëm në fushë për Celtics, ende të pamposhtur në kampionat. Fitoren e parë e korri Brooklyni, që mundi me shifrat 133-121 Charlotte, ndeshje ku u dallua Thomas, me 33 pikë.

Fitore të rëndësishme arriti Milwaukee, që mundi Miamin (122-114), në një përballje mes dy ekipesh rivale në Lindje. Herro realizoi 35 pikë për ekipin nga Florida, por që mbetën për statistikë. Për Bucks, Antetokounmpo realizoi 33 pikë, mbështetur edhe nga Lillard me 25 pikë.

Në Perëndim, skuadra e Golden State mundi New Orleansin (130-102), ndeshje ku shkëlqeu Stephen Curry, autor i 42 pikëve. Rikthehet te fitorja ekipi i Lakersave, që mundi me rezultat 106-103 Orlandon, sfidë ku u dallua Russell me 28 pikë e Davis me 26 pikë e 19 rebound. Nikola Jokiq realizoi një tjetër “triple double” (27 pikë, 10 rebound, 11 asistime) në fitoren me rezultat 110-1012 që Denveri e arriti ndaj Utah Jazz.

Rezultatet

Charlotte – Brooklyn              121-133
Indiana – Chicago                   105-112
Washington – Boston              107-126
Atlanta – Minnesota                127-113
Toronto – Portland                  91-99
Memphis – Dallas                    110-125

Milwaukee – Miami                   122-114
New Orleans – Golden State    102-130
Oklahoma – Detroit                   124-112
Denver – Utah Jazz                    110-102
Lakers – Orlando                        106-103