Bostoni vijon të mbetet skuadra me rekordin më të mirë në NBA këtë sezon, duke korrur fitoren e 33-të. Skuadra e Celtics fitoi me rezultat 130-118 në fushën e Charlotte, ndeshje ku shkëlqeu Jayson Tatum, autor i 51 pikëve. Fiton edhe Milwaukee, që falë 35 pikëve të Holiday, mundi me shifrat 132-119 Indianan.

Rikthehet te fitorja skuadra e Lakersave, që mposhti me rezultat 140-132 Houstonin në një ndeshje spektakolare. LeBron James në formë të jashtëzakonshme, duke realizuar 48 pikë për Lakersat. Kampionët e Golden State mundën me shifrat 127-118 Washingtonin jashtë fushe, ndeshje ku vendimtar ishin Curry me 41 pikë e Poole me 32 pikë.

Toronto mundi me rezultat 123-121 New York pas kohës shtesë, me VanVleet që realizoi 33 pikë për kanadezët. Në sekondën e fundit fiton ekipi i Utah Jazz, që mundi 126-125 Minnesotan, ndeshje ku shtatë lojtarë të Jazz realizuan mbi 10 pikë. Memphis i bashkohet Denverit në krye të renditjes në Perëndim, pas fitores me rezultat 136-106 ndaj Phoenixit (Ja Morant 29 pikë).

Rezultatet

Charlotte – Boston                    118-130
Milwaukee – Indiana                132-119
Cleveland – New Orleans         113-103
New York – Toronto                  121-123
Washington – Golden State     118-127

Atlanta – Miami                        121-113
Minnesota – Utah Jazz            125-126
Memphis – Phoenix                 136-106
Lakers – Houston                     140-132