Kontrata e futbollistit egjiptian, Mohamed Salah me Liverpoolin skadon më 30 qershor dhe ai mund të vazhdojë karrierën e tij në Arabinë Saudite.

Reds refuzuan një ofertë në vitin 2023 nga Al-Ittihad, i cili ofroi 175 milionë euro si kompensim dhe tani Al-Hilal po përgatitet ta bëjë Salah futbollistin më të paguar në botë.

Ky klub tashmë ka në radhët e saj emra Malcom, Renan Lodi, Kalidou Koulibalu, Jassine Bounou, Sergej Milinkovic-Savic, Aleksandar Mitrovic, Ruben Neves dhe Joao Cancelo.

Salah është lojtari më i paguar i Liverpoolit me një pagë vjetore prej 22 milionë eurosh, por ai është edhe lojtari më produktiv i Reds, pasi ka shënuar 32 gola dhe 22 asistime në të gjitha garat këtë sezon.

Të gjithë në Liverpool me siguri do të dëshironin që ai të qëndronte në Anfield pasi ka të ngjarë të jetë pa dy lojtarë të rregullt të ekipit të parë – Trent Alexander-Arnold dhe Virgil van Dijk – këtë verë.

Megjithatë, Salah është gjithnjë e më i prirur drejt idesë për të vazhduar karrierën e tij në Arabinë Saudite, ku tashmë luajnë yje të shumtë të futbollit botëror.

Kujtojmë se sulmuesi egjiptian është ndër përforcimet më të mira të të gjitha kohërave të sjella nga Liverpool dhe që nga viti 2017 ka shënuar 182 gola në 279 ndeshje për Reds. /Telegrafi/