Legjenda hollivudiane, Doris Day, filmat e së cilës e bënë të njohur si një prej yjeve të të gjitha kohërave ka ndërruar jetë.

Ajo ka vdekur mëngjesin e së hënës në moshën 97-vjeçare në shtëpinë e saj në Kaliforni, ka konfirmuar Fondacioni i kafshëve Doris Day.

Është thënë se ajo ka qenë në gjendje të mirë fizike për moshën e saj, derisa është përballur me sëmundjen e pneunomisë.

“Doris ishte e rrethuar nga disa miq të ngushtë kur ndërroi jetë”, është thënë në deklaratën e këtij fonacioni.

Këngëtarja, e cila ka vazhduar karrierën edhe si aktore ka shkëlqyer në filmat si: “Calamity Jane” dhe “Pillow Talk”.