Brazili e bën për pesë pare Paraguain, Argjentina për pak e mundi Kolumbinë
Kombëtarja e Brazilit dhe ajo e Argjentinës kanë marrë fitoret e radhës në kualifikimet për Kupën e Botës “Katar 2022”, me Selecaon që ka mposhtur 4-0 Paraguain, ndërsa Albiceleste ka triumfuar 1-0 ndaj Kolumbisë.
Brazilia ka kryer lehtë detyrën në shtëpi ndaj Paraguait, duke e mposhtur me dominim dhe rezultat të thellë 4-0.
Pjesa e parë e ndeshjes u mbyll me rezultat 1-0 falë golit të vetëm të shënuar nga Raphininha në minutën e 28-të.
Në pjesën e dytë Selecao shënoi edhe tri herë me anë të Philippe Coutinhos (62’) për 2-0, Antony (86’) për 3-0 dhe Rodrygo (88’) për rezultatin përfundimtar 4-0.
Në anën tjetër, Argjentina mori fitore minimale 1-0 në shtëpi ndaj Kolumbisë.
Goli i vetëm në këtë fitore të kombëtares Albicelste u shënua në minutën e 23-të me anë të Lautaro Martinez.
Pas këtyre fitoreve, Brazili e sheh veten në pozitën e parë me 39 pikë, ndërsa Argjentina e dyta me 35 pikë. /Telegrafi/