Kryeministri britanik, Boris Johnson dhe presidenti francez, Emmanuel Macron, kanë rënë dakord të ofrojnë më shumë mbështetje për Ukrainën në luftën e saj me Rusinë, ka thënë zyra e Johnsonit, ndërsa liderët janë takuar në samitin e G7.

“Ata ranë dakord se ky është një moment kritik për rrjedhën e konfliktit dhe ka një mundësi për të kthyer valën në luftë”, ka thënë një zëdhënës i “Downing Street” në një deklaratë.

Të dy liderët kanë theksuar nevojën për të mbështetur Ukrainën “për të forcuar dorën e tyre” si në luftë ashtu edhe në negociatat e ardhshme.