Sulmuesi Armando Broja ka folur pas barazimit pa gola të Evertonit në “Emirates Stadium”. Sulmuesi shqiptar ka lënë pas periudhën e errët të dëmtimeve duke u rikthyer në dispozicion të Shoj Dajsit.

“Evertoni tregoi interes të fortë karshi meje, prandaj them jam borxhli karshi tyre. Më kanë ndihmuar shumë gjatë periudhës kur isha i dëmtuar dhe më kanë bërë që të buzëqesh përsëri në fushë. Jam me fat që jam në një klub si Evertoni pasi më kanë ndihmuar që të rikuperohem”, ka thënë sulmuesi shqiptar.

“Për një futbollist fakti që zbret në fushë është gjithçka. Për mua ka shumë rëndësi që jam i shëndetshëm dhe që buzëqesh përsëri”, ka shtuar Broja.