Armando Broja ishte heroi i Kombëtares sonë në fitoren minimale 1-0 ndaj Hungarisë. Bomberi pas ndeshjes se është shumë krenar për fanellën kuqezi, teksa pas duelit nuk i kurseu as lotët.

“Shumë krenar për këtë fanellë, për këtë ekip. Ka qenë një ndeshje shumë e rëndësishme, na duheshin patjetër tri pikët. Me aktivizoi trajneri në fund dhe shyqyr që shënona. Goli vjen atëherë kur do vetë, është më e rëndësishme të marrësh tri pikët. Ekipi vjen para individit. Jam një lojtar që ka nevojë për minuta, por ekipi është shumë më i rëndësishëm”, tha Broja.