James Harden ka shkëlqyer në debutimin e tij tek Brooklyn Nets, ku i ndihmoi ekipit të tij të ri të triumfojë ndaj Orlando Magic.

James Harden e ka nisur aventurën e tij të re në mënyrë perfekte, ai ishte njëri nga lojtarët më të dalluar në debutimin e tij që bëri sot me Brooklyn Nets.

Harden u transferua gjatë kësaj jave tek Nets, situata e tij me Rockets erdhi në fundin e marrëdhënieve të martën pas një humbje ndaj Los Angeles Lakers kur ai deklaroi se ekipi nuk ishte mjaft i mirë për të fituar një titull. Dhe nuk zgjati shumë, ditën e enjte ai ishte në Brooklyn.

Brooklyn Nets fituan me rezultatin 122-115 ndaj Orlando Magic. Nets avancuan në dy çerekë ndërsa Orlando avancoi në dy tjerë. Rezultatet e katër pjesëve ishin, 29-26, 23-24, 32-33, 38-32.

Lojtari më i dalluar ishte James Harden, i cili arriti tiple-double në debutimin e tij, ai regjistroi 32 pikë, 12 kërcime dhe 14 asistime, për të dhuruar një ndeshje fantastike në debutimin e tij me ekipin e Nets.

“The Beard” gjithashtu u bë lojtari i parë në NBA, që regjistron triple-double prej 30 pikësh në debutimin e tij. Lojtarët më të dalluar ishin, Kevin Durant me 42 pikë katër kërcime dhe pesë asistime dhe për Orlandon, Vuçeviç  me 34 pikë, 10 kërcime dhe shtatë asistime.