Brukseli pritet t’i bëjë bashkë të enjten Hysenin dhe Gjuriqin

28 korrik 2020 | 14:00

Bisedimet në mes të Prishtinës dhe Beogradit në nivelin e ekspertëve do të vazhdojnë të enjten, më 30 korrik, në Bruksel.

Këtë e ka bërë me dije për “Tanjug” drejtori i të ashtuquajturës Zyre Serbe për Kosovë, Marko Gjuriq.

Në takimin e javës së shkuar në mes të delegacionit nga Kosova në krye me koordinatorin shtetëror për dialog, Skender Hysenin dhe atë nga Serbia, Marko Gjuriq është folur për çështjen e të zhdukurve dhe të të zhvendosurve.

Hyseni, pas takimit të 23 korrikut me palën serbe, pati deklaruar se nuk do të ketë marrëveshje për kapituj të veçantë, përderisa nuk arrihet një marrëveshje gjithëpërfshirëse.

Ndërsa emisari i posaçëm i BE-së për dialogun, Mirosllav Lajçak me ndërmjetësimin e të cilit është zhvilluar takimi i javës së shkuar e ka cilësuar atë si produktiv dhe konstruktiv.

Lajme të sponsorizuara

Të fundit
Werder Bremeni kërkon 25 milionë euro për kartonin e Milot…