Giggi Buffon zyrtarizoi largimin e tij nga Juventus dhe tashmë pret oferta nga klubet e tjera.

Ditët e fundit u bënë të gjallë Olympiacos dhe Benfica. Pikërisht portugezët duken një destinacion shumë real për Gigin i cili dëshiron të vazhdojë të luajë në Champions. Agjenti i tij Silvano Martina u intervistua lidhur me këtë destinacion. Ja përgjigja e tij për mikrofonët e RTP: “Benfica është një klub interesant. Mund të na interesojë. Por ende nuk kam patur asnjë kontakt me ta as të drejtëpërdrejtë e as nëpërmjet ndërmjetësuesve”.

Gigi duket se nuk dëshiron të kalojë në kampionate më pak konkuruese si ai amerikan apo kinez sepse opsioni për të luajtur ende në Evropë dhe mbi të gjitha titullar, vazhdon ta joshë.