Gianluigi Buffon ka dhënë një intervistë për “Corriere della Sera”, duke zbuluar disa episode të një karriere plot momente të mira dhe konsideratat e tij për Cristiano Ronaldon dhe Lionel Messin.

“Ne kemi pasur gjithmonë një marrëdhënie të bukur, me besime dhe opinione të mira për njëri-tjetrin. Dallova tek ai një forcë të madhe dhe gjithashtu një brishtësi, të lidhur me mungesën e babait të tij, me rrugën e vështirë që duhej të kalonte”, kujtoi ish-portieri, për sulmuesin portugez. Për yllin argjentinas, ai ka kujtuar: “Finalja e Ligës së Kampionëve 2015. Ndiej një dorë në shpinë. ‘Gigi, do të ndërrojmë fanellat tani?’. Të mëdhenjtë e vërtetë nuk tërhiqen kurrë”.