Presidenti i ri i sapobetuar, Bajram Begaj është larguar nga ambientet e Kuvendit dhe ka arritur në institucionin e Presidencës.

Begaj është pritur nga Presidenti në ikje, Ilir Meta, i cili do t’i dorëzojë stafetën.

Mes shtrëngimeve të duarve dhe përqafimeve, Meta dhe Begaj kanë hyrë në ambientet e Presidencës.

Sipas axhendës, pritet të luhet Himni Kombëtar dhe të gjuhet 21 herë me top, raporton cna.al.

Ndërkohë, gjatë fjalimit të parë si President i Republikës, Begaj tha se do të mbështesë dhe këmbëngulë për bashkëpunim mes të gjitha forcave politike, në gjetjen e gjuhës së përbashkët.