Një burrë në Florida i diagnostikuar me coronavirus pretendon se ai ishte shpëtuar nga vdekja e sigurt nga një ilaç anti-malarie i mbrojtur si një trajtim i mundshëm nga presidenti amerikan, Donald Trump.
Siç shkruan në artikullin e New York Post, përcjell Telegrafi, Rio Giardinieri, 52 vjeç, i tha Fox 11 të Los Angeles se ai luftoi me dhimbje të tmerrshme në shpinë, dhimbje koke, kollë dhe lodhje për pesë ditë pasi ishte prekur nga COVID-19, ndoshta në një konferencë në New York.
Siç ka thënë Giardinieri, mjekët në Spitalin e Fëmijëve Joe DiMaggio në Florida të Jugut e diagnostikuan atë me coronavirus dhe pneumoni dhe e futën në oksigjen në ICU.
Pas më shumë se një jave, mjekët i thanë se nuk kishin se çfarë të bënin më me të dhe të premten në mbrëmje, Giardinieri u tha lamtumirë gruas së tij dhe tre fëmijëve.
“Unë isha në atë pikë ku mezi po flisja dhe frymëmarrja ishte shumë sfiduese”, tha Giardinieri. “Unë me të vërtetë mendova se fundi im ishte atje”.
Pastaj një shok i dërgoi atij një artikull të kohëve të fundit në lidhje me hydroxychloroquine, një ilaç pa recetë që është përdorur për të trajtuar malarien për dekada dhe sëmundjet auto-imune si lupus.
Disa studimet kanë zbuluar se janë ilaçi në fjalë është premtues si një trajtim për COVID-19, megjithëse nuk është aprovuar nga zyrtarët shëndetësorë.
Ndërkohë, presidenti amerikan Donald Trump javën e kaluar tha se ai po udhëzonte FDA të testojë në mënyrë të shpejtë të hydroxychloroquine dhe një ilaçi të lidhur, chloroquine, si trajtim për COVID-19.
Giardinieri tha se kontaktoi një mjek të sëmundjes infektive në lidhje me ilaçin.
“Ai më dha të gjitha arsyet pse unë nuk do të duhej ta provoja sepse nuk ka prova, nuk ka prova, nuk ishte diçka që u aprovua”, tha Giardinieri.
Por pas insistimit të tij, mjeku është pajtuar dhe ka autorizuar infermieret të cilat ia kanë dhënë atij.
Pas rreth një ore me ilaçin, tha Giardinieri, ndjeu sikur zemra e tij po rrihte nga gjoksi dhe, rreth dy orë më vonë, ai pati një episod tjetër ku nuk mund të merrte frymë.
Ai thotë se atij iu dha Benadryl dhe disa ilaçe të tjera dhe se kur u zgjua rreth orës 4:45 të mëngjesit, ishte “sikur asgjë të mos kishte ndodhur kurrë”.
Që atëherë ai nuk kishte ethe dhe dhimbje dhe mund të marrë frymë përsëri.
Giardinieri tha që mjekët besojnë se episodet që ai përjetoi nuk ishin një reagim ndaj ilaçit, por trupi i tij që luftonte kundër virusit.
Giardinieri, nënkryetari i një kompanie që prodhon pajisje gatimi për restorante të niveleve të larta në Los Angeles, tha se ai kishte tre doza të ilaçit të shtunën dhe shpreson të largohet nga spitali brenda pesë ditësh.
