Kapiteni i Barcelonës, Sergio Busquets ka qenë regjisori i Barcelonës në triumfin me katër gola në Madrid.

Pas ndeshjes ai ka komentuar këtë fitore historike të katalanasve në Madrid, duke vlerësuar paraqitjen e bërë nga skuadra e tij.

“Nuk duhet të mendojmë shumë për rezultatin se për paraqitjen që kemi bërë. E kishim përgatitur në mënyrë të shkëlqyer këtë takim, i dinim pikat e forta dhe të dobëta të Realit dhe i kemi goditur pikërisht aty. Kujtoj se në ndeshjen e fundit ndaj tyre në Superkupën e Spanjës na kishin dërrmuar në kundërsulm. Këtë herë nuk u kemi dhënë asnjë shans. Duke e parë ndeshjen në tërësi, mund të them se mund dhe duhet t’u kishim shënuar edhe më shumë gola, pasi rastet ishin aty. Titulli është larg, por nëse do të na jepet mundësia nuk do të tërhiqemi”, ka thënë Busquets.