![](https://www.epokaere.com/wp-content/uploads/2018/07/shyqri-bytyqi.jpg)
Bytyqi: Festa e Kurban Bajramit të sjellë lumturi
20 gusht 2018
| 23:30
Ministri i Arsimit, Shkencës dhe Teknologjisë, Shyqiri Bytyqi me rastin e festës së Kurban Bajramit i ka uruar besimtarët myslimanë.
“Të dashur qytetarë të besimit islam, Me rastin e festës së Kurban Bajramit, uroj që kjo festë të sjellë lumturi në familjet tuaja dhe të jetë motiv për forcimin e besimit, sepse kjo ditë është ditë e mirësisë, mirëkuptimit dhe paqes. Uroj që përherë të mbretërojnë gëzimi, paqja dhe harmonia në mesin tonë. Kosova dhe qytetarët e saj krenohen me tolerancën ndërfetare dhe gatishmërinë për solidaritet dhe zemërgjerësi. Urime festa e Kurban Bajramit, mëshira dhe begatia qofshin me ju dhe familjet tuaja”, ka shkruar Bytyqi në profilin e tij në “Facebook”.