Përfaqësuesja e Kosovës në futboll po i vazhdon përgatitjet për ndeshjen me Rumaninë, e cila do të jetë edhe përcaktuese për vendin e parë në Grupin 2 të Ligës C në Ligën e Kombeve.

Zymer Bytyqi pas stërvitjes ka bërë më dije se motivi tek “Dardanët” është i lartë, ndërsa shton se ai me shokë do të mundohen ta vazhdojnë serinë pozitive prej tri fitoresh radhazi.

“Jam shumë i lumtur dhe shumë i kënaqur që më kanë thirr përsëri, e kam ndier njëfarë mërzie (malli) për me qenë këtu me djemtë tanë dhe për të luajtur për Kombëtaren tonë. Tash jam këtu dhe jam shumë i kënaqur. Ta them të drejtën, është si një fillim i ri, ka plot lojtarë të rinj që kanë ardhur dhe që do të gëzohem që t’i njoftoj”, ka thënë Bytyqi

“Rëndësia është shumë e madhe për këtë lojë, besoj se do ta japim maksimumin tonë. Shpresoj që do ta kemi një rezultat të mirë që na ndihmon ta fitojmë këtë grup”, ka shtuar Bytyqi.