![](https://www.epokaere.com/wp-content/uploads/2020/02/cakaj-2.jpg)
Cakaj në Selanik kërkon liberalizimin e vizave për Kosovën
Në Konferencën e Nivelit të Lartë për Perspektivën Evropiane në Selanik, ministri në detyrë për Evropën dhe Punët e Jashtme i Shqipërisë, Gent Cakaj, ka kërkuar liberalizimin e vizave për qytetarët e Kosovës.
“Nënvizuam rëndësinë e veçantë të liberalizimit të vizave me Republikën e Kosovës jo vetëm për qytetarët e saj, por edhe për të ruajtur besueshmërinë e BE-së në rajon; Theksuam domosdoshmërinë për të çelur negociatat me Shqipërinë dhe Maqedoninë e Veriut: kjo masë është thelbësore për të thelluar reformat e brendshme, forcuar procesin e bashkëpunimit rajonal e lartësuar frymën Evropiane në Ballkanin Perëndimor në përgjithësi; Gjithë pjesëmarrësit në këtë takim mbështesin pa hezitime hapjen e bisedimeve për anëtarësim në BE për Shqipërinë menjëherë sipas meritave të saj madhore”, ka shkruar Cakaj në llogarinë e vet në “Facebook”.
/Epoka e re/