Dhomat e Specializuara të Kosovës kanë njoftuar se është caktuar paneli i Gjykatës Kushtetuese për të vendosur mbi referimin e Nasim Haradinajt.

Në njoftim është bërë me dije se caktimi është bërë më 22 nëntor nga kryetarja Ekaterina Trendafilova.

“Më 22 nëntor 2023 kryetarja Trendafilova caktoi Panelin e Gjykatës Kushtetuese për të vendosur mbi referimin e dorëzuar nga Mbrojtja e Nasim Haradinajt, më 21 nëntor”, është thënë në njoftim.

Më tutje është thënë se gjykatësit Vidar Stensland, Rumen Nenkov dhe Romina Inkuti do të vendosin lidhur me këtë referim të dorëzuar në mënyrë konfidenciale, versioni publik i redaktuar i të cilit do të jetë në dispozicion brenda një jave.