Cani: Nëse s’plotësohen kërkesat e Gjermanisë e Francës, mund të ketë sanksione të tjera
18 shtator 2024
| 08:45
Gazetari i Deutsche Welle, Bahri Cani, ka thënë se nëse nuk plotësohen në radhë të parë kërkesat e Gjermanisë dhe Francës, siç u shpreh ai, mund të ketë edhe sanksione të tjera.
Cani u shpreh se Kosova aktualisht është në sanksione por, sipas tij, ato edhe mund të ashpërsohen.
“Në qoftë se vërtet nuk plotësohen kërkesat në radhë të parë të Gjermanisë dhe Francës, si mbështetësitë kryesor edhe të çështjes së dialogut, mund vërtetë të ndodh që të ketë edhe sanksione të tjera.
Ju e dini qe Kosova është nën sanksionë qysh tani dhe këto sanksione definitivisht mund edhe të ashpërsohen në një moment të caktuar”, është shprehur ai në Rubikon.
