Presidenti rus Vladimir Putin ka shpallur “mobilizim të pjesshëm” në Rusi “për ta mbrojtur atdheun, sovranitetin dhe integritetin e tij territorial, sigurinë e popullit”.

Ai tha se kjo ka të bëjë vetëm me qytetarët në rezervën ushtarake, ata që kanë shërbyer në ushtri.

Dhe ai lëshoi një kërcënim për Perëndimin, raporton BBC.

“Nëse integriteti territorial i vendit tonë kërcënohet, për ta mbrojtur Rusinë dhe popullin tonë, ne do t’i përdorim të gjitha mjetet që kemi”, tha ai.

“Integriteti territorial i atdheut tonë, pavarësia dhe liria jonë do të sigurohet, e përsëris me të gjitha mjetet që kemi”, shtoi Putini.