Mesfushori i Real Madridit, Casemiro, ka zbuluar shkallën e admirimit të tij për kolegët në mesfushën e Realit, Toni Kroos dhe Luka Modriq, të cilët ai beson se brezat e ardhshëm do t’i nderojnë në vazhdimësi.

Reprezentuesi brazilian ka dhënë një intervistë derisa shpjegoi se të luash përkrah dyshes është diçka për të cilën ai do të jetë në gjendje të mburret deri në pleqëri.

“Është një privilegj të luaj për kaq gjatë në klubin më të madh në botë dhe mendoj se do të kuptoj me të vërtetë shkallën e asaj që kam arritur vetëm kur e gjithë kjo të përfundojë një ditë”, ka deklaruar Casemiro.

“Të luash me Modriqin dhe Kroosin është një privilegj. Unë do të vlerësoj faktin që kam luajtur me ta për një kohë të gjatë dhe do t’u them nipërve të mi se kam luajtur me dy lojtarë të jashtëzakonshëm, dy ikona të lojës”, ka shtuar Casemiro, i cili e mbështetet Karim Benzeman në garën për “Topin e Artë”.