Kualifikimin e Milanit e komentoi dhe ish-futbollisti, Antonio Cassano në emisionin e tij “Bobo TV”. Ai u ndal te goli i kuqezinjve, duke e cilësuar si një gabim të Amir Rrahmanit që nuk shkaktoi faull ndaj Leaos.

“Milani bëri një lojë si një skuadër e vërtetë. Por goli erdhi sepse Rrahmani nuk shkaktoi faull. Në momentin që Leao mori topin, ai nuk duhet ta linte që të ikte. Leao la pas katër lojtarë dhe bëri një paraqitje fantastike në të dyja pjesët. Milani ishte një ekip që ja vlente ta shikoje. Napoli krijoi shumë pak, sidomos në pjesën e parë. Gjithsesi urime Napolit për progresin e bërë deri më tani, por për të bërë një hap të fundit, duhet të marrin një qendërmbrojtës të një niveli më të lartë”, ka thënë Cassano.