Nuk gabojnë kryesuesit e Konferencave në NBA. Ekipi i Clevelandit dominon renditjen e Konferencës së Lindjes pas fitores me rezultat 124-113 ndaj Utah Jazz. Katër lojtarë të Cavaliers realizuan mbi 20 pikë, duke bërë diferencën në parket.

Më i miri për Cavaliers ishte Mobley, i cili realizoi 22 pikë dhe kapi 10 topa në tabelë. Në Perëndim, në vendin e parë ndodhet ekipi i Oklahomës, që fitoi me shifrat 123-105 ndaj Washingtonit.

Tjetër ndeshje e mirë për Alexander Shai, me kanadezin që realizoi 41 pikë dhe kapi 9 topa në tabelë për vendasit. Zhgënjen skuadra e Lakersave, që në fushën e saj u mund me rezultat 117-114 nga Detroiti. Vendimtar stoli për ekipin mik, nga ku erdhën 52 pikë. LeBron James realizoi një “trple double” për Lakersat (28 pikë, 11 rebound, 11 asistime), por që s’mjaftuan. Humbet edhe ekipi i Golden State, që u mund me rezultat 111-105 nga Indiana (Turner 23 pikë), ndërsa zhgënjeu “ylli” i skuadrës vendase Stephen Curry zhgënjeu duke shënuar vetëm 10 pikë.

Fitore shumë e rëndësishme edhe për Denver Nuggets, që fitoi me shifrat 117-90 ndaj Phoenixit, sfidë ku shkëlqeu sërish Nikola Jokiq    , autor i 32 pikëve. Humbasin në mënyrë befasuese edhe kampionët në fuqi të Boston Celtics. Orlando Magic arriti të suprizonte Celtcs me shifrat 108-104.

Në Florida ndeshja vendoset në minutat e fundit. Nuk mjaftuan 35 pikët e Jalen Brown për miqtë, për të shmangur një tjetër humbje që e largon nga kryesuesit e konferencës, Cleveland. Për Magic më i dalluari ishte Tristan de Silva që shënoi 18 pikë dhe mbi të gjitha për faktin se realizoi një tre pikësh në sekondat e fundit të ndeshjes.

Rezultatet

Charlotte – Houston                   101-114
Cleveland – Utah Jazz                124-113
Orlando – Boston                        108-104
Philadelphia – San Antonio       111-106

Atlanta – Minnesota                  117-104
Miami – Brooklyn                      110-95
New York – Toronto                  139-125
Chicago – Milwaukee                91-112
Memphis – Clippers                  110-114

Oklahoma – Washington           123-105
Dallas – Portland                         132-106
Denver – Phoenix                        117-90
Golden State – Indiana              105-111
Lakers – Detroit                           114-117