Sulmuesi Edinson Cavani ka thënë se nuk e ka ndërmend të tërhiqet nga futbolli, prandaj ka ardhur edhe në klubin e Valencias. Klubi spanjoll po kalon momente të vështira, por Cavani është i gatshëm të jep kontribut që ky klub të siguron mbijetesën.

“Po punoj dhe po përgatitem të jap gjithçka. Nuk erdha këtu për t’u tërhequr, por për të bërë një rrugëtim me këtë klub. Po dalim nga periudha e vështirë, por do të vazhdojmë të punojmë për të përmirësuar gjërat”, ka thënë Cavani.