Pavarësisht se është përfolur shumë për një rikthim në Itali, por këtë herë me fanellën e Juventusit, Edinson Cavani nuk ka aspak ndërmend të largohet nga Paris Saint-Germain gjatë verës.

31-vjeçari, gjatë një interviste, deklaroi se, pavarësisht se e ardhmja e një lojtari nuk varet vetëm nga dëshira e tij, por edhe nga klubi, gjithsesi nuk ka aspak ndërmend të largohet. Uruguaiani u shpreh se te parisienët ndihet i lumtur dhe se shpreson të vazhdojë të fitojë me këtë skuadër. Gjatë këtij sezoni Cavani ka shënuar 38 gola dhe ka dhënë 12 asistime në 46 ndeshje të luajtura.