Në spitalin rajonal të Pejës, dita-ditës po rriten numrat e të infektuarve me Covid-19, të cilët po kërkojnë trajtim mjekësor.

Sipas këtij spitali momentalisht 220 pacientë gjenden të shtrirë aty, 18 pacientë më shumë se një ditë më parë.

Me oksigjeno-terapi janë 192 pacientë, ose 27 më shumë se një ditë më parë. Ndërkaq 7 pacientë vazhdojnë të jenë në CPAP.

Në gjendje të rëndë shëndetësore gjenden 52 pacientë, 7 më shumë se një ditë më parë.

Nga ky spital kanë apeluar që të mbroni veten duke u vaksinuar.